CONTEA'N ZIRKZEE A DUH VIAU. UNITED IN AN CHHÂNG NGHÂL VAT.

Lukaku hliam hi a nat deuh avângin hun engemaw tichhung chu a chawlh rih a ngai dawn a, sahmulphah thla thleng chu a inkhel thei rih dawnlo niin an tarlang.

Antonio Conte chuan Dutch forward hi a awt viau a, nimahsela United hian chhuahtîr an tum loh thu in anlo chhâng nghal vat thung.

April thla-a Newcastle laka 4-1 a kan tlâwm ṭum khân Zirkzee hian hliam a neih avângin khelmual a chhuahsan a, tûn season inbuatsaihna ah pawh a khêl kan hmu ve ta miahlo a nih kha.

Fit sa reng Højlund awm ve reng mah se Amorim chuan Denmark hmatâwng hi a dah sâng rihlo hle a, chhuahtîr pawh a pawiti tawh lo niin an sawi. Nizâna Arsenal kan mikhual ṭum pawh khan Højlund hi squad-ah a dah lova, Zirkzee zâwk pawh sub hman loh a ni tho thung.

Matheus Cunha, Bryan Mbeumo leh Benjamin Sesko te an rawn lût a, tûn season na na na chu United hian League match leh tournament pahnih bâk khelh tur an nei dawn loa, Zirkzee hian a bei viau te a nih h ngawt loh chuan hmun a chang khât viau in a rinawm bawk.

Hêng hi ni mah se United hian Dutch vâl hi player pawimawh tak a ni dawn tih an hria a, tûnah rih chuan chhuahtîr an tum lo hle a, amah pawh hian châm chhunzawm a duh viau bawk.

Kum 24 mi hian season hmasa khân United tân vawi 49 a inlan a, goal 7 leh assist vawi 2 chiah a nei a, Premier League match vawi 32 khelh ah ṭum 14 chiah bul a ṭan bawk.

Zirkzee hi a pian en mai chuan 'Target Man' kan tih tur ang hi a ni a, mahse a ni hauh lo, 'Target Man' te tâna goal khung tur ṭha tak siamsak theitu leh inzawmna ṭha tak siampui theitu tur ang kha a ni zâwk a. Ball a thiam neuh neuh in Amorim-a khelh duh dânah phei chuan second striker ṭha tak a ni tlat thung.