My post content
United-in an striker an mangṭha hrehlo.
Napoli chuan Rasmus Højlund lâk tumin a camp-te nen inbiakna an kalpui mêk. Inremna an nei thei a nih chuan United-in hian kaltîr an pawiti dawnlo.
Buanga
8/23/20252 min read
Manchester United chuan an senior players ṭhenkhatte chu nipui bazar la inhawn chhûng hian chhuahtîr vat an duh hlawm a, bazar inkhâr nan hian ni 9 chiah a awm tawh bawk.
Red devils te hian "bomb squad" tia hming an ruat, tûn nipuia hralh ngei ngei tura tih an nei a, alo berah hengho hi loan a hawhtir a, season tawpa lei nghâl thei tur ang pawh in an phal dawn.
Season liamta a Aston Villa a che ṭha tak mai Marcus Rashford chuan loan in Barcelona a pan a, Barca hian season tâwpah lei nghâl theihna ni lovin £26m a lei theihna an nei dawn bawk.
"Bomb squad" kan tih ho tak tak Alejandro Garnacho, Antony, Jadon Sancho leh Tyrell Malacia te chhuahtîr dan tur hi United hian anla buaipui ve mêk zel a, tûnah hian Rasmus Højlunda'n a zawm ve rih kan ti thei awm e.
Italian club Napoli chuan Rasmus Højlund chu Serie A lama hruai kîr leh tumin tunah hian inbiakna an kalpui mek. Season liamta khân Højlund hi a tlahniam hle a, a khêl en ringawt pawh kha a hahthlâk hman a nih kha.
United chuan a aiah a hma lam aṭanga anlo hêl tawh, RB Leipzig hmatâwng Benjamin Sesko an lalût a, Højlund hian chhuah tumna ala nei chuanglova, elpui a nei tur chu a lawm zâwk thu leh, a hma aia a beih nasat zâwk tur thu a sawi ve bawk.
Heti hi ni mah se United pre-season match hnuhnung berah khân Højlund hi sub hman loh a ni a, Premier league match hmasa berah pawh squad-ah a awm tawh lo bawk.
United hian Højlund an enkawl duh dân chu a chiang ta viau mai a, ani tân pawh tih vak ngaihna a awm lo hle. "Manchester United hi ka hmangaih a, châm chhunzawm pawh ka duh hle, mahse min ring tawh ngânglo a nih chuan, loan a chhuah mai chu ka duh a, mahse lei nghâl theihna tel se ka duh bawk", tiin Højlund hian chhuah chu pawi a tih tawhloh thu a sawi.
Napoli hian Højlund-a chungchângah hian United chu loan man atân €5m pêk an tiam a, season tâwp a €40m a lei theihna tel an tum bawk.
United hian an lo pawm thlap a, mahse Højlund-a thutlukna an ngaichâng ve tlat thung. Højlund hian inṭhen a duh a nih chuan, inṭhan tlang law law a duh thu a sawichiang a, loan chhûng a zo a nih pawh in zawm tlang nghâl a duh tih a chiang.