MANCHESTER UNITED LEH COCA-COLA INREMSIAM. COMPANY LIAN DANG HMING A RI LEH!

Manchester United chuan season thar bul ṭan nan Pathianni khian fans-te tân inkhel chauh chhawpchhuak lovin khêl mual chhûng leh pâwn lamah chhâwl hâl chhâwk veng veng thei tur an chhawpchhuak tel dawn.

Thuneitute lam chuan ṭantute pawimawh zia hi an hrechiang hle a, luhai vek khawpin nipui bazar thuthar anlo ngaichâng ve ṭhin tih te pawh an hre chiang hle-in a hriat theih bawk.

Old Trafford a inkhel en chu ṭantute tân hun khawhral na mai a nih pawh an hlau hle a, inlaichinna ṭha tak neihpui pawh an tum dawn viau.

Coca-Cola nên hian kum thum daih inremna an nei a, a awmzia chu 'Coca-Cola' tih ziak hi inkhelh niah te kan hmu fo tawh ang a, chu mai bâkah, Coca-Cola hi Old Trafford-ah fans-te tâna intur chhawpchhuah a ni tawh dawn bawk.

Old Trafford W1 car parking a 'Pop-Up Pub' an hawn thar tûrah pawh Coca-Cola hi lei theiha chhawpchhuah a ni dawn bawk a, he 'Pop-Up Pub' thar tur hi Pathianni a Arsenal kan mikhual hunah hawn ṭan a ni dawn bawk.

Coca-Cola nen hian inremnsiam mah se United hian Old Trafford-ah Coca-Cola chauh nilo hêng, Coca-Cola Zero, Diet Coke, Fanta, Fanta Zero, Sprite, Sprite Zero, Dr Pepper leh Dr Pepper Zero te pawh hi an la zuar thei tho dawn bawk.

Manchester United leh Coca-Cola te hian UK leh Europe lama fans-te nêna inlaichinna ṭha tak an neih theih nân eng eng emaw buatsaih chhoh an tum bawk a, thlîr ringawt tur nilo deuh a thil buatsaih chhoh an tum a ni ber awm e.

United chief bussiness officer Marc Armstrong chuan: "Coca-Cola leh Manchester United te hi khawvêla brand ropui pahnih an ni a, mipui hîp kawngah phei chuan sângtak an ni. Kan inremsiamna hian fans-te nêna inlaichinna ṭha tak kan neih theih nan inkhelh niah mai nilo, hun pawimawh tak buatsaih chhoh kan tum dawn a ni."

Coca-Cola senior marketing director Elodie Peribere: "Football khawvelah chuan Manchester United hi club ropui ber te zînga mi a ni a, rochhiah ropui tak leh chhuan lo awm zêl tur thlenga ṭantu tam tak nei thei zêl tur an ni bawk. Ṭantute tâna intur tuitak kan hlui thei tur leh inremnsiamna kan nei thei hi kan inchhuang takzet a ni."

Thil hre zâwkte sawi zêl danin United hian Coca-Cola mai bâkah hian 'Apple' pawh inremnsiamna an neihpui dawn niin an sawi a, Carrington thawm ṭhat tâk hawn a nih ṭum khan Sir Jim Ratcliffe khân a sawi zuai tawh bawk a, puanzâr a nih leh thuai beisei ang.