Man United-in Maguire lei chhuah tum club panga-te an hnâwl vek
Manchester United chuan Premier League leh Italy lam aṭanga Harry Maguire lei diltute chu anlo hnar vek niin Mail Sport chuan an tarlang
@mizomufc
8/5/20252 min read
Heng English club pathum leh Italian club pahnihte hriat dânin Maguire hian United-ah contract thar a ziah hmêl a, a rem dawn a nih chuan United-ah a career a hman zawh hmêl hle.
Kum 32 mi English centre-back hian United-ah nakkum nikir thla thlêng dam contract ala nei a, kâr khatah £190,000 a hlawh mêk bawk. Kum 2019 khân Leicester City aṭangin khawvêla defender manto ber ni turin United hi £80 million in a zawm a, a camp lam chuan engmah la sawi lo mah se Maguire hian contract thar a ziah hmêl hle.
Denis Irwin, Gary Pallister, Steve Bruce leh Bryan Robson te anga United ṭantute zah leh team tâna player pawimawh tak nih chhoh ve hi Maguire hian a tum hle a, captain a nihna hlihsak a nih hnuah pawh a hma aia ṭha in a rawn inlan chhunzawm a, a rilru puthmang a dik tlat a, a zahawm viau tawh tho...
Contract thar ziah chungchângah inbiakna engmah la awmlo mah se amah lâk tuma ngaihven tute hmuh dânah erawh a châm chhunzawm hmêl hle thung.
England National team tâna vawi 64 lai lo captain tawh hian a duh chuan United a chhuahsan thei reng a, duhthlan tur pawh a nei ṭha hlawm viau. Scott McTominay khelh mekna Napoli hming a ri ve zauh a, United manager hlui Jose Mourinho leh United a hruailuttu Ole Gunnar Solskjaer te'n Turkey lama khêl turin a sâwm ve thei reng bawk.
Mourinho leh Ole te enkawl Fenerbahce leh Besiktas te bâkah hian Galatasaray te paw'n Maguire hi an ngaihven ve a, French club Monaco leh Marseille te paw'n a contract zawh huna lâk tumin an ngaihven ve bawk niin Mail Sport chuan an tarlang.
Ram pawn club-te chuan player contract neih lai tâwp hma thla ruk la awmah indawrna neihpui in, inremna an neihpui nghâl thei a, a awmzia chu United hian contract thar an ziahpui lo a nih chuan Maguire hian United player ni reng chungin nakkum pawlkût thla khian club thar a nei thei tawh dawn tihna a ni.
Erik ten Hag-a kaihhruai na hnuaiah United-a a captain nihna hlihsak a ni a, kum 2023 khân West Ham United a pan zui teuh hle bawk. Contract thar an ziahpui a nih chuan Sheffield a piang leh seilian pa tan chuan thil ropui tak a ni ngei ang le.
Rúben Amorim-a lo luh aṭang hian Maguire hian piantharna a chang amaw tihtûr khawpin amah ah danglamna kan hmu thei a, team tâna player pawimawh tak a ni chho bawk. Ball kanga a that zia kan hmuh ṭeuh bawk a, tlarhma lamah pawh hnap leh a nihloh zia kan hmu nual bawk. Kum tîr khân a contract a kum khat dang pawhsei theihna kha tihnun a ni a, Bruno a awmloh chuan captain anga rih a ni ṭhin bawk.