United-in Carlos Baleba an ngaihven. Ruben Amorim paw'n a duh viau

Twitter/X account pakhat Indykaila News chuan nizân lam khan he thu hi a rawn ti darh a, journalist rintlâk tak tak, David Ornstein leh Fabrizio Romano te pawh in an rawn tichiang chhunzawm ve nghâl. United hian Baleba chungchângah Brighton chu an be pawp tawh ngei a, Baleba pawh hian a lo hnar mai bik lo bawk.

Kum 21 mi midfielder hi Brighton tâna player pawimawh tak a ni chho va, Seaguls lam pawh hian tûn season chu chelh chhunzawm an duh viau bawk.

A theihna leh thiamna hi club lian tam takin an hmuhhmaih lo chiang hle a, United bâkah hian Liverpool, Man City leh Arsenal te pawh in an ngaihven ve hman bawk.

Baleba hian United zawm a pawiti lo a nih hmêl hle a, United in'a an biak pawh paw'n a lo hnar eihlo. United hian amah inremsiam pui chu a harsa dawnlo niin an hria a, mahse Brighton hmin erawh a awl ai dawnlo hle thung.

Seaguls lam hian Baleba manah hian £90m + £10m an phût ve tlat a, United erawhin £70m vêl chiah pêk an inhuam ve thung. Baleba hian Brighton hnênah an man an chhiar zât chu tih hniam sak dîl a tum ni a sawi a awm bawk a, a hlawhtling a nih ngat chuan United tân kawng a kaw dawk in a rinawm.

Carlos Baleba hian chhuah duhna rilru a lo nei ta tak tak niin a rinawm a, Brighton chuan contract thar zawrh an tum vêl mêk bawk a, chutah chuan nakkum nipui a leichhuah theihna man tuk sa an telh dawn bawk. Engkim a kutah a innghat a ni ber e.

Brighton CEO Paul Barber: "Engtik lai pawh in kan players leichhuak duh hi an awm reng dawn a, Manchester United erawhin minla rawn be pawp miahlo thung. Thulengvak chu thulengvak mai a ni."

"Carlos Baleba hi player ṭha tak, thiamna nei sângtak a ni a, helai hmunah hian hun rei tak pawh a châm ka beisei, mahse chu erawh a contract neih dan leh sâwmna a dawn dânin a hril ang chu", tiin Baleba leh United sawizawm an nih chungchâng a tuihnih ve.