BALEBA AIA LÂK RIH TUR UNITED-IN AN TICHIANG!?
Manchester United chuan France leh Sevilla midfielder Lucien Agoume chu an ngaiven mêk a, tûn nipuia midfielder an lâk tum ber a ni rih bawk.
Alex-a
8/19/20251 min read
Nipui bazar pawh a inkhâr hnai ta viau mai a, United pawh hian squad thuamṭhat hna la thawk zêlin, midfielder lam an melh chhunzawm mêk zêl.
United hian tûn nipui hian Matheus Cunha, Diego Leon, Bryan Mbeumo leh hmanni lawk a an lâk fel Benjamin Sesko te an hruai lût tawh a, Pound maktaduai zahnih leh sawmpali(£214m) lai an sêng tawh.
Amorim hian midfielder thar lâkluh belh ala duh a, Brighton midfielder Carlos Baleba chu lâk duh viau mah se kum 21 mi hi tûn nipui hi chuan Seaguls lam hian chhuahtîr an lo tum rihlo.
Spanish media-te tarlan danin United hian Sevilla midfielder Lucien Agoume chu tûn nipui hian lâkluh an duh a, French midfielder hian a contract neih laiah hian Pound maktaduai sawmthum panga(£35m) a leichhuah theihna a keng tel a, reporter te hian hemi aia tlâwm a an leichhuah theih pawh a rinawm niin an tarlang.
Kum 23 mi French midfielder hian nikum khân Inter Milan aṭangin Sevilla hi zawm chauh mah se tun nipui hian club dang zawm a pawiti lova, TeamTalk chuan Agoume hian Premier League lama inkhelh chhunzawm a duh ber niin an tarlang ve bawk.
Rúben Amorim chuan Carlos Baleba kha a team tâna player pawimawh tak a nih theih a ring a, hruailuh han tum viau mah se a club-in chhuah an lo phal rih si lova, nakkum nipui bazar hunah lâk tumin an bei leh dawn thung a nih kha.
He mi a nih avâng hian United hian tûn nipui hi chuan midfielder thar an la a nih paw'n to lutuk tur ang kha chu an lâk loh law law a rinawm a, Wharton leh Sporting captain Hjulmand te ang ngat phei chu.
Agoume-a defending ṭha tak leh a passing vêl hian United mit a la hle a, a bîk takin a man leh amah Agoumea'n Premier League lama inkhelh chhunzawm a duhna hian.